కేసీఆర్ అమరణ నిరాహార దీక్ష
- ప్రత్యేక తెలంగాణ రాష్ట్రం కోసం తన ప్రాణాలు అర్పించడానికైనా సిద్ధమని కేసీఆర్ ప్రకటించి నవంబర్ 29, 2009 నుండి ఆమరణ నిరాహార దీక్షకు పూనుకొన్నాడు
- కెసిఆర్ దీక్ష స్థలం -రంగదాంపల్లి (సిద్దిపేట)
- నవంబర్ 29న కేసీఆర్ కరీంనగర్ నుండి రంగదాంపల్లి వెళ్లడానికి ప్రయత్నించగా పోలీసులు అరెస్టు చేసి ఖమ్మం జైలుకు తరలించారు
- కెసిఆర్ ఖమ్మం జైలులోనే దీక్ష ప్రారంభించారు
- ఈ పరిణామాల వల్ల "శ్రీకాంతాచారి" అనే యువకుడు ఎల్బీనగర్ చౌరస్తాలో పెట్రోల్ పోసుకొని నిప్పంటించుకున్నాడు.
- 2009 డిసెంబర్ 4న శ్రీకాంతాచారి అమరుడయ్యిండు
- ఈ ఉద్యమ తీవ్రతను గ్రహించిన ముఖ్యమంత్రి రోశయ్య 2009 డిసెంబర్ 7న అఖిలపక్ష సమావేశం ఏర్పాటు చేశాడు
- ఈ సమావేశానికి తొమ్మిది రాజకీయ పార్టీలు హాజరయ్యాయి
- డిసెంబర్ 7న జరిగిన అఖిలపక్ష సమావేశంలో ప్రత్యేక తెలంగాణ రాష్ట్ర ఏర్పాటుకు చంద్రబాబు నాయుడు మద్దతు పలికాడు
- మొదటి నుండి సమైక్యాంధ్రకు అనుకూల మైన ఎంఐఎం, సీపీఐ(ఎం) తప్ప మిగిలిన పార్టీలు అన్ని తెలంగాణకు మద్దతు ఇచ్చాయి
- 2009 డిసెంబర్ 8న నీమ్స్ సూపరిండెంట్ ప్రసాదరావు కేసీఆర్ దీక్ష విరమించకపోతే జీవితం ప్రమాదంలో పడుతుందని ప్రకటన విడుదల చేశాడు
- డిసెంబర్ 9 నాడు ప్రధానమంత్రి రష్యాలో, ప్రణబ్ ముఖర్జీ విదేశీ పర్యటనలో ఉన్నారు.
- దాంతో 2009 డిసెంబర్ 9 నాడు కేంద్ర హోం మంత్రి చిదంబరం తెలంగాణ ఏర్పాటు ప్రకటన ఏవిధంగా ఉండాలి అనే విషయంపై ప్రొఫెసర్ జయశంకర్ సార్ తో చర్చించాడు
- అనంతరం 2009 డిసెంబర్ 9 రాత్రి 11:30 గంటలకు హోం మంత్రి చిదంబరం తెలంగాణ ఏర్పాటుపై ఈ క్రింది విధంగా ప్రకటన జారీ చేశాడు
- మొదటి ప్రకటన - "తెలంగాణ ప్రత్యేక రాష్ట్ర ఏర్పాటు ప్రక్రియను ప్రారంభించి అసెంబ్లీలో తీర్మానం ప్రవేశ పెడతారు" అని చిదంబరం పేర్కొన్నారు
- తెలంగాణ ఏర్పాటుపై చిదంబర ప్రకటన అనంతరం కేసీఆర్ తో ప్రొఫెసర్ జయశంకర్ సార్ నిరాహార దీక్ష విరమింపజేసినాడు
- తరువాత ఆంధ్రా లో జరిగిన సంఘటనల ఫలితంగా తిరిగి కేంద్ర హోం మంత్రి చిదంబరం డిసెంబర్ 23న మరొక ప్రకటనలు జారీ చేశారు
- రెండవ ప్రకటన - "అసెంబ్లీ తీర్మానం చేసిన తర్వాత రాష్ట్ర ఏర్పాటు ప్రక్రియను ప్రారంభిస్తాం".
