2009 ఎన్నికలు పార్టీలు పొత్తులు
- రాష్ట్రంలో ఎన్నికల వాతావరణం మొదలైంది. సామాజిక న్యాయం పేరుతో నటుడు చిరంజీవి 2008 ఆగస్టు 26న ప్రజారాజ్యం పార్టీని స్థాపించాడు. సామాజిక తెలంగాణకు తాను కట్టుబడి ఉన్నానని ప్రకటించాడు
- 2004 ఎన్నికల్లో కాంగ్రెస్ టీఆర్ఎస్ వామపక్ష కూటమి కలిసి పోటీ చేసింది.
- అనంతర పరిస్థితుల్లో సిపిఎం, సిపిఐ, టిఆర్ఎస్ లు కాంగ్రెస్ కు దూరం అయ్యాయి
- 2009 జనవరి 16న 'తల్లి తెలంగాణ పార్టీ' ని టీఆర్ఎస్ లో విలీనం చేస్తున్నట్లు విజయశాంతి ప్రకటించారు
- 2009 జనవరి 31న టిడిపి, టిఆర్ఎస్, సిపిఎం, సిపిఐ పార్టీల మధ్య పొత్తు కుదిరింది
- ఉమ్మడిగా 'మహాకూటమి' పేరుతో ఎన్నికల బరిలోకి దిగాలని పార్టీలు నిర్ణయించాయి. ఈ పొత్తులో జయశంకర్ సార్ కీలకంగా వ్యవహరించారు
- తెలంగాణకు తాను అనుకూలమని తెలంగాణపై సంయుక్త సంఘాన్ని ఏర్పాటు చేస్తున్నట్లు 2009 ఫిబ్రవరి 12న ముఖ్యమంత్రి వైఎస్ రాజశేఖర్ రెడ్డి హడావిడిగా ప్రకటించాడు
- తెలంగాణ ఇచ్చేందుకు కాంగ్రెస్ కు ఎలాంటి అభ్యంతరం లేదు అంటూ 2009 ఫిబ్రవరి 28న సికింద్రాబాద్ లో జరిగిన బహిరంగ సభలో కాంగ్రెస్ అధ్యక్షురాలు సోనియాగాంధీ ప్రకటించారు
ఎన్నికల మేనిఫెస్టోలు
- టిడిపి తమ ఎన్నికల మేనిఫెస్టోలో తొలిసారిగా తెలంగాణ అంశాన్ని చేర్చింది
- బిజెపి మరోసారి చిన్న రాష్ట్రాల ఏర్పాటు గురించి ప్రస్తావించింది
- సిపిఐ జాతీయ విధానం రాష్ట్ర విభజనకు వ్యతిరేకంగా చిన్న రాష్ట్రాల ఏర్పాటును సమర్థించక పోయిన తెలంగాణకు సంబంధించినంత వరకు జాతీయ కార్యవర్గం మినహాయింపునిచ్చింది
- సిపిఎం రాష్ట్రాల విభజనకు తమ పార్టీ వ్యతిరేకం అని మేనిఫెస్టోలో ప్రకటించింది
- బి.ఎస్.పి చిన్న రాష్ట్రాల ఏర్పాటుకు తాము సుముఖుతమని మేనిఫెస్టోలో ప్రకటించింది
- ప్రజారాజ్యం 'సామాజిక తెలంగాణకు' తాము కట్టుబడి ఉన్నట్లు తన మ్యానిఫెస్టోలో పేర్కొంది
ఎన్నికలలో కాంగ్రెస్ విజయం
- ఏప్రిల్ 16న తెలంగాణలో మొదటి దశలో ఎన్నికలు పూర్తి అయ్యాయి
- ఆ తరువాత ఆంధ్ర ప్రాంతంలో వైఎస్ఆర్ ప్రాంతీయ విద్వేషాలను రెచ్చ గొడుతూ ప్రసంగించాడు.
- 2009లో కాంగ్రెస్ పార్టీ 152 సీట్లు గెలుచుకుని తిరిగి అధికారంలోకి వచ్చింది
- టిఆర్ఎస్ కు రెండు ఎంపి స్థానాలు, పది అసెంబ్లీ స్థానాలు వచ్చాయి
