Frog and Crane Story కప్ప తిక్క కుదిరింది

Moral Stories-కప్పతిక్క కుదిరింది

ఒక దట్టమైన అడవిలోని కొలనులో ఎన్నోకప్పలు జీవిస్తున్నాయి. ఒక రాత్రి పూట ఈ కప్పలన్నీ నీటిలో నుంచి తలలు పైకెత్తి సేద తీరుతున్నాయి. వాటిలోపెద్దదైన బోదురు కప్ప ఇలా గొప్పలుచెప్పుకో సాగింది "హ హ హ!వినండి పొట్టి బుడంకాయ లారా! ఇక నుంచినేనే ఈ కొలనుకు రాజును" 

పాత తరం కప్పలు ఈబడాయి మాటలు పట్టించుకోలేదు కానీచిన్న కప్పలు మాత్రం ససేమిరా అన్నాయి. ఆకలిగొన్న ఒక కొంగ కప్పల బెకబెకలు వినిఅటువైపు వచ్చింది. కొలను నిండా ఉన్న కప్పలను చూసి దానికి నోరూరింది

 బోదురుకప్పను తన ముక్కుతోపట్టుకోవటానికి ముందుకు ఉరక పోతుండగా, తనకాలికి ఏదో చల్లగా, జిగురుగాఉన్న వస్తువేదో చుట్టుకుంటున్న అనుభూతి కలిగింది తీరా చూస్తే అదిఒక నీటి పాము. బోదురుకప్ప సంగతి తర్వాత చూద్దామని కొంగ కిందికి వంగి నీటి పామునుముక్కుతో పట్టుకొని ఎగిరిపోయింది.

తరువాత మళ్ళీ కొంగ ఆకస్మికంగా కొలను లోకి రావడంచూసి కప్పలు బెకబెకలు ఆపేసిగమ్మున ఉండిపోయాయి. అయితే ఈ సంబడం ఎంతో సేపు నిలవలేదు. బోదురుకప్ప తన ఆధిక్యతను మళ్లీ చాటుకోవడం మొదలుపెట్టింది. "హహ హ! నేనే ఈకొలనుకు రాజును" అని చెప్ప సాగింది. దీనికి చిన్న కప్పలు మళ్లీనిరసన తెలుప సాగాయి. 

 అప్పుడుఒక ముసలి కప్పు గమ్మునఉండండి కొంగ ఈ దగ్గర్లోనే ఉండవచ్చు అని హెచ్చరించింది. కప్పలగోలను కొంగ విననే విన్నది. దానికిమళ్లా ఆకలి వేసింది. బిగ్గరగా మాట్లాడుతున్న బోదురు కప్ప మీద కొంగ కళ్లు పడ్డాయి. దాని వైపు మెల్లగా కదలసాగింది. మెరుపులా దూకి దాన్ని పట్టుకుంది. బోదురు కప్ప బయటపడటానికి గిలగిలలాడిన, కొంగ పట్టు బిగించింది. సరిగ్గా ఆ సమయంలోనే పొదలో నక్కిన ఒక నక్క ఈ కొంగను చూసింది. వెనకనుంచి దానిపైకి ఒక్కసారిగా దూకింది. దిగ్బ్రాంతి చెందిన కొంగ నోట్లోని కప్పని వదిలేసింది. బోదురుకప్ప బతుకుజీవుడా అంటూ నీళ్లలో మునిగింది. 

ప్రస్తుతానికిదాని ప్రాణాలు దక్కినా ప్రాణ భయంతో, గాయాలతో వణికిపోయింది. ఇకనుంచి బడాయిలు చెప్పుకోకూడదు అని నిశ్చయించుకుంది. తానుకావటానికి పెద్ద కప్పనే అయినాతోటి కప్పలకు వలె తనకు నిరంతరంప్రాణాపాయం పొంచివుందని తెలుసుకుంది.