Difference between Directive Principles and Fundamental Rights in Telugu
పోలికలు - తేడాలు
ప్రాధమిక హక్కులు
- న్యాయ సంరక్షణ ఉంది
- ప్రాధమిక హక్కులకు రాజ్యాంగపరమైన నిర్వచనం, హామీ ఉన్నాయి. దేశంలోని అన్ని న్యాయస్థానాలు వీటిని అమలు చేస్తాయి.
- ప్రాథమిక హక్కులకు నకారాత్మక స్వభావం ఉంది. పౌరుల హక్కులలో జోక్యం చేసుకునే అధికారం ప్రభుత్వానికి లేదు.
- ప్రాధమిక హక్కులు వ్యక్తుల వ్యక్తిగత ప్రయోజనాలను పెంపొందిస్తాయి.
- ప్రాధమిక హక్కులకు ఆజ్ఞాపించే స్వభావం ఉంది.
- పౌరుడి హక్కులలో ఏ వ్యక్తిగాని, సంస్థగాని, 'ప్రభుత్వంగాని జోక్యం చేసుకోరాదు. ఎవరైనా ఈ హక్కులను ఉల్లంఘిస్తే పౌరుడు న్యాయస్థానానికి వెళ్ళి న్యాయం పొందవచ్చు.
- ప్రాథమిక హక్కులకు, నిర్దేశిక నియమాలకు మధ్య వివాదం ఏర్పడితే ప్రాథమిక హక్ష్కులకే ప్రాధాన్యం ఉంటుంది.
- దేశాన్ని ప్రజాస్వామ్య రాజ్యంగా మార్చడానికి ప్రాధమిక హక్కులు తోడ్పడతాయి.
- రాజకీయ ప్రజాస్వామ్యాన్ని పెంపొందిస్తాయి
- వ్యక్తి వికాసానానికి దోహదం చేస్తాయి.
- అత్యవసర పరిస్థితి సమయంలో రద్దు అవుతాయి
- కొన్ని ప్రాథమిక హక్కులను తొలగించారు.
- ఇది న్యాయ సంరక్షక స్వభావాన్ని కలిగి ఉంటుంది
- అమెరికా రాజ్యాంగం నుండి గ్రహించారు
ఆదేశిక సూత్రాలు
- న్యాయ సంరక్షణ లేదు.
- నిర్దేశిక నియమాలకు ప్రజా సంక్షేమాన్ని పెంపొందించే లక్ష్యం ఉంది. కాబట్టి అనేక ప్రభుత్వాలు వాటిని అమలు జరుపుతాయి.
- ఆదేశిక సూత్రాలకు అనుకూల స్వభావం ఉంది. రాజ్య కార్యకలాపాలలో అనేక రంగాలకు అవి విస్తరింపచేస్తాయి. ఈ సూత్రాల పేరిట రాజ్యం శాసనాన్ని, ఆజ్ఞను, ఆదేశాన్ని జారీ చేయవచ్చు.
- సమాజ సంక్షేమాన్ని పెంపొందించడమే నిర్దేశిక నియమాల లక్ష్యం. ఇవి వ్యక్తులకు సంబంధించినవి కావు. ప్రభుత్వాలకు సంబంధించినవి.
- ఈ నియమాలకు ఆజ్ఞాపించే-స్వభావం లేదు. ఆర్థిక వనరుల సౌలభ్యాన్ని బట్టి ప్రభుత్వాలు వీటిని అమలు చేస్తాయి. వీటిని అమలు జరపలేదని ఏ వ్యక్తి కోర్టులో కేసు వేయడానికి లేదు.
- 42వ రాజ్యాంగ సవరణ ద్వారా నిర్దేశిక నియమాలకు, ప్రాథమిక హక్కుల మీద కొంత ప్రాధాన్యం వచ్చింది. సాంఘిక న్యాయాన్ని సామ్యవాద రాజ్యాన్ని స్థాపించాలనే ఉద్దేశంతో ఈ మార్చు జరిగింది.
- దేశాన్ని సామాజిక, ఆర్థిక ప్రజాస్వామ్య రాజ్యంగా మార్చడానికి నిర్దేశిక నియమాలు తోడ్పడతాయి.
- సామాజిక, ఆర్థిక పరిరక్షణను పెంపొందిస్తాయి.
- సమాజ సమిష్టి ప్రయోజనాలకు ఉద్దేశించినవి.
- వీటిపై అత్యవసర పరిస్థితి ప్రభావం ఉండదు.
- ఇంతవరకు ఆదేశిక నియమాన్ని తొలగించలేదు.
- ఇవి సంవర్ధక స్వభావాన్ని కలిగి ఉంటుంది.
- ఐర్లాండ్‌ రాజ్యాంగం నుండి గ్రహించారు.
